詞：林夕
編：雷頌德
監：雷頌德
唱：古巨基
我過去 那死黨 早晚共對 各也紮職以後 沒法 暢聚
而終於 相約到 但無言共對 疏淡如水
日夜做 見爸爸 剛好想呻 卻霎眼 看出他 多了皺紋
而他的蒼老感 是從來未覺 太內疚擔心
最心痛是 愛得太遲 有些心意 不可等某個日子
盲目地發奮 忙忙忙其實自私
夢中也習慣 有壓力要我得志
最可怕是 愛需要及時 只差一秒 心聲都已變歷史
忙極亦放肆 見我愛見的相知
要抱要吻要怎麼也好 偏要推說等下一次
我也覺 我體質 彷似下降 看了症得到是 別要太忙
而影碟 都掃光 但從來未看 因有事趕
日夜做 儲的錢 都應該夠 到聖誕 正好講 跟我白頭
誰知她開了口 未能捱下去 已恨我很久
錯失太易 愛得太遲 我怎想到 她忍不到那日子
盲目地發奮 忙忙忙從來未知
幸福會掠過 再也沒法說鍾意
愛一個字 也需要及時 只差一秒 心聲都已變歷史
為何未放肆 見我愛見的相知
要抱要吻要怎麼也好 不要相信一切有下次
相擁我所愛又花幾多秒 這幾秒 能夠做到又有多少
未算少 足夠遺憾忘掉
多少抱憾 多少過路人 太懂估計 卻不懂愛錫自身
人人在發奮 想起他朝都興奮
但今晚未過 你要過也很吸引
縱不信運 你不過是人 理想很遠 愛於咫尺卻在等
來日別操心 趁你有能力開心
世界有太多東西發生 不要等到天上俯瞰
繼"花灑"後,基仔的另一派台歌...
憑呢首歌,我100%肯定我一定會買佢隻新碟....!!
有人話,通常得到一個人後,自己就愈來愈對佢唔再意,於是,會唔再成日講一d關心,做一d關心佢既事。
於是,家人,自己既伴侶,自己最好既朋友,彷彿係自己心目中,再冇任何地位。
到左,關係變得疏離,或者再冇機會珍惜既時侯,大家先醒覺,原來自己做既野,真係太少太少。
為工作奮鬥,係每一個都一定要做既野,但係,好多時,就係咁,身邊既人,就變壬戈唔再重要。
這個世界寂寞太多,別吝嗇一句問侯---呢句,係一位有人同我講既。
而家,有時諗番起,都覺對自己父母,兄弟,知己,有太多太多既過失。
自己以前就好似歌中既主角咁,唔識珍惜...
其實,要關心既,一句問侯都足夠,但係,我偏唔做,偏唔講...
好彩既係,自己既過失,仲可以挽救。
林夕今次既lrics做得好好。
雖然,詞方面唔夠靚,有少少既口語。
但係,能夠得到眾人既認同,係呢一類口語化既詞既目的。
而今次,佢就做到呢樣野。
因為,口語可以減少作詞者同聽眾既距離。
林夕呢幾年都係向呢一方面發展,睇黎,佢已經開始掌握左呢一種技巧。
其實,呢首歌係一首k歌,但係,係一首好好既k歌。
如果,香港多一d呢一種quality既k歌,就算k歌泛濫,我都唔介意。
不過,稍為失色既係,基仔既感情只存在傷心,而冇不捨既感覺。
不過,要做到不捨既感覺,確實係好難既一件事...^^
始終,係香港,感情可以handle得好好既,都係得eason一個。
p.s. 呢首歌,係我電腦中第2000首歌,值得紀念...!>v<
No comments:
Post a Comment