Slam Dunk

細細個,已經知道咩野叫slam dunk,小時侯的自己,剩係覺得,呢一套cartoon/comic,好好睇,但係,到而家,我先發覺..呢一套野..真係好令人感動..。

comics既自己剩係睇過全套一次...加上唔係咁用心睇,所以,都唔覺得有咩感動。

反而,係cartoon,就相對地感動得多。
雖然,cartoon比comics係冇咁好睇(原因係特意地拖場,一場波可以打10集。)

不過,睇cartoon既時侯,自己,就比佢搞喊過三次....

第一次,係三井加入番籃球部既時侯,佢喊住既樣,加上佢回憶既往事,再加上動人既背景歌曲,已經令人忍唔住流淚。

第二次,係"天才"誤傳個波比海南球員,而輸波既時侯。
o個一種內疚,失望既感覺,由動畫直接傳入我個腦海到,於是,我又喊左。

第三次,係湘北勝了陵南,拿取了全國大賽的資格既時侯。
"大猩猩"等左咁多年,終於達成左自己既夢想,忍唔住,流下左眼淚。
o個一種守得云開見月明既感人,真係唔可以用言語黎表達。

另外,佢同"人猿大王"相擁而哭都令人感動。
雖然兩個人係對手,但比賽過後,都為對方而開心,為對方而痛哭,為對方而感到不值。





最可惜既係,cartoon冇左全國大賽o個一段,係既,我既眼淚,個人既感動,會更加多,更加深。